Deputetë nga Kosova po marrin pjesë në Asamblenë Parlamentare të Këshillit të Evropës.

Deputeti i LDK-së, Arben Gashi, i cili po qëndron atje bashkë me disa deputetë nga partitë tjera, ka dhënë një lajm të mirë, duke treguar se Kosova për herë të parë ulet dhe e ka të drejtën e fjalës në sallën plenare të Asamblesë Parlamentare të Këshillit të Evropës.

Ai më tej shtoi se Kosova është storie suksesi e popullit tonë dhe bashkësisë ndërkombëtare.

Postimi plotë:

Lajm i mirë për vendin. Kosova për herë të parë ulet dhe e ka të drejtën e fjalës në sallën plenare të Asamblesë Parlamentare të Këshillit të Evropës. Kosova jonë e meriton respektin. E meriton vendin e saj në organizatat ndërkombëtare. Kosova është storie suksesi e popullit tonë dhe bashkësisë ndërkombëtare. Është storie suksesi e lirisë. Është storie suksesi e demokracisë perëndimore.
Krenar me Kosovën tonë!
Krenar me aleatët tanë të natyrshëm – perëndimorë./arbresh.info/